Quod Beneficium Illi Vbiuis Gentium, Et Viam Sine Vllo Periculo, Propter Publicam Vestram Fidem, Et Aduentum Cum Magno Fauore, Propter

Vestram commendationem, optate quidem et foeliciter communiuit Itaque quemadmodum gemina hac vestra beneuolentia, cum illa generalis exhibita in vestro regno

Negotiantibus subditis nostris vniuersis, tum ista seorsim prastita huic Antonio Ienkinson, perfideli nostro famulo, nobis in mente non solum ad gratam perpetuamque memoriam, verum etiam ad mutuam, vel opportunam compensationem, firmissime defixa est: ita, petimus a vestra Maiestate vt vtramque beneuolentia vestra rationem et communem nostris vniuersis, et priuatam huic nostro dilecto famulo, vtrisque deinceps dignetur tueri, atque conseruare. Neque nos quidem diffidemus, quin quem fauorem vestra Maiestas antea sua sponte Antonio Ienkinson, tum quidem priuato ostendit, eundem nunc nostra rogatu eidem Antonio in nostrum iam famulatum cooptato benigne velit denuo declarere. Et propterea petimus a vestra Maiestate, vt dignetur iterum concedere eidem nostro famulo literas suas commeatus, publica fidei, ac saluiconductus, quarum tenore, authoritate, atque prasidio, sit illi, familiaribus suis, et seruis, tutum, liberumque, cum mercibus, sarcinis, equis, et bonis suis vniuersis, inuehendis euehendisque, per vestra regna, domicilia, atque prouincias, proficisci, ire, transire, redire, abire, et istic morari, quandiu placuerit, et inde recedere quandocunque illi aut suis libitum fuerit. Et sicut non dubitamus, quin vestra Maiestas hac omnia humanitatis grata officia, pro immensa bonitate sua natura benigne et largiter huic famulo nostro sit concessura ita valde optamus, adeoque petimus, vt vestra Maiestas eodem nostrum famulum, vna cum omnibus suis familiaribus, ac bonis, exteris alijs principibus literis suis dignetur commendare, presertim vero atque seorsim Magno Sophi, Persarum Imperatori, in cuius etiam imperia et ditiones idem noster famulus gratia potissime experiundi peregrina, commercia, proficisci vna cum suis constituit.

Enter page number Go  Previous Next
Page 400 of 510
Words from 108988 to 109264 of 140123