Et En Font Si Grant Habondance Que
Tout Li Mondes En Y Puet Avoir Et A Bon Marchie".
Encores cy devise dou dyt roiaume, et de ce qu'en dist Messires
Marcs.
"Et sachies que tient icelle Royne la seigneurie de l'Ynde majeure et
de Mutfili et de Bangala, et d'une moitie de Mien. Et moult est
saige et noble dame et pourveans, si que est elle amee de chascun. Et
avoit jadis mari; et depuys qu'il mourut bien XIV ans avoit; adonc la
royne sa fame l'ama tant que oncques puis ne se voult marier a nullui,
pour l'amour le prince son baron, ancois moult maine quoye vie. Et tient
son royaume ausi bien ou miex que oncques le tindrent li roy si aioul.
Mes ores en ce royaume li roy n'ont guieres pooir, ains la poissance
commence a trespasser a la menue gent Et distrent aucun marinier de
celes parties a Monseignour Marc que hui-et-le jour li royaumes soit
auques abastardi come je vous diroy. Car bien est voirs que ci-arrieres
estoit ciz pueple de Bretaingne la Grant bonne et granz et loialle
gent qui servoit Diex moult volontiers selonc lor usaige; et tuit li
labour qu'il labouroient et portoient a vendre estoient honnestement
laboure, et dou greigneur vaillance, et chose pardurable; et se
vendoient a jouste pris sanz barguignier. En tant que se aucuns labours
portoit l'estanpille Bretaingne la Grant c'estoit regardei com pleges
de bonne estoffe. Mes orendroit li labours n'est mie tousjourz si bons;
et quand l'en achate pour un quintal pesant de toiles de coton, adonc,
par trop souvent, si treuve l'en de chascun C pois de coton, bien XXX ou
XL pois de plastre de gifs, ou de blanc d'Espaigne, ou de choses
semblables. Et se l'en achate de cammeloz ou de tireteinne ou d'autre
dras de laine, cist ne durent mie, ains sont plain d'empoise, ou de glu
et de balieures.
"Et bien qu'il est voirs que chascuns hons egalement doit de son cors
servir son seigneur ou sa commune, pour aler en ost en tens de
besoingne; et bien que trestuit li autre royaume d'occident tieingnent
ce pour ordenance, ciz pueple de Bretaingne la Grant n'en veult
nullement, ains si dient: 'Veez-la: n'avons nous pas la Manche pour
fosse de nostre pourpris, et pourquoy nous penerons-nous pour nous faire
homes d'armes, en lessiant nos gaaignes et nos soulaz? Cela lairons aus
soudaiers.' Or li preudhome entre eulx moult scevent bien com tiex
paroles sont nyaises; mes si ont paour de lour en dire la verite pour ce
que cuident desplaire as bourjois et a la menue gent.
"Or je vous di sanz faille que, quand Messires Marcs Pols sceust ces
choses, moult en ot pitie de cestui pueple, et il li vint a remembrance
ce que avenu estoit, ou tens Monseignour Nicolas et Monseignour
Mafe, a l'ore quand Alau, frere charnel dou Grant Sire Cublay, ala
en ost seur Baudas, et print le Calife et sa maistre cite, atout son
vaste tresor d'or et d'argent, et l'amere parolle que dist ledit Alau au
Calife, com l'a escripte li Maistres Rusticiens ou chief de cestui
livre.[12]
Enter page number
PreviousNext
Page 8 of 655
Words from 3751 to 4280
of 342071
