* * * * * The Queenes Maiesties Letters To The Great Sophy Of Persia, Sent By M. Anthonie Ienkinson.

1561.

ELizabetha Dei gratia, Anglia, Francia, et Hibernia Regina, &c. Potentissimo, et inuictissimo Principi, Magno Sophi Persarum, Medorum, Parthorum, Hircanorum, Carmanorum, Margianorum, populorum ris et vltra Tygrim fluuium, et omnium intra Mare Caspium, et Persicum sinum nationum atque Gentium Imperatori salutem, et rerum prosperarum foelicissimum incrementum. Summi Dei benignitate factum est, vt quas gentes, non solum immensa terrarum spacia, et insuperabiles marium vastitates sed et ipsi etiam calorum cardines longissime disiunxerunt, ipsa tamen literarum bono et mentis certa cogitata, et humanitatis grata officia, et intelligentia mutua multa commoda facile inter se et opportune possint communicare. Itaque cum perdilectus, et fidelis noster famulus Antonius Ienkinson, qui has literas nostras perfert, cum bona venia, fauore, et gratia nostra hoc Anglia nostra regnum excedere, et in Persiam vsque, vestrasque alias ditiones Dei benignitate penetrare constituerit, hoc illius institutum perlaudabile quidem grato nostro fauore prosequi, et promouere studuimus: id quod eo nos libentius facimus, quoniam hoc eius propositum ex honesto studio commercij constituendi potissimum cum vestris subditis, alijsque peregrinis hominibus, ad vestra regna confluentibus, omnino exortum sit. Propterea nobis et scribendum ad vestram Maiestatem, ab eaque petendum esse duximus, vt nostro rogatu dignetur concedere huic famulo nostro Antonio Ienkinson literas publica fidei et salui conductus, quarum authoritate atque prasidio, licitum, liberumque sit illi, vna cum suis familiaribus, seruis, sarcinis, mercibus et bonis vniuersis, per vestra regna, domicilia, ditiones, atque prouincias libere, et sine impedimento proficisci, ire, transire, redire, abire, et istic morari, quamdiu placuerit, et inde recedere, quandocunque illi vel suis lubitum fuerit.

Enter page number Go  Previous Next
Page 404 of 510
Words from 110098 to 110361 of 140123