Tabin Promontorium Ingens.] Esse Autem Ingens In Septentrionem Excurrens Promontorium Tabin, Non Ex Plinio Tantum, Verum Et Alijs Scriptoribus, Et Tabulis Aliquot (Licet Rudius Depictis) Certum Habeo. Polum Etiam Magnetis Haud Longe Vltra Tabin Situm Esse, Certis Magnetis Obseruationibus Didici:

Circa quem et Tabin plurimos esse scopulos, difficilemque et periculosam nauigationibus existimo:

Difficiliorem tamen ad Cathaium accessum fore opinor, ea pua nunc via in Occidentem tentatur. Propinquior enim fiet haec nauigatio polo Magnetis quam altera, ad quem propius accedere non puto tutum esse. [Sidenote: Quo propius ad polum acceditur, eo directorium Nauiticum magis a Septentrione deuiat.] Quia vero Magnes alium quam Mundi polum habet, quo ex omni parte, respicit: quo propius ad eum acceditur, eo directorium illud Nauticum magnetis virtute imbutum, magis a Septentrione deuiat, nunc in Occidentem, nunc in Orientem, prout quis vel orientalior, vel occidentalior est illo Meridiano qui per vtrumque polum Magnetis, et Mundi ducitur, Mirabilis est haec varietas, et quae nauigantem plurimum fallere potest, nisi hanc Magnetis inconstantiam norit, et ad poli, eleuationem per instrumenta subinde respiciat. In hac re si non sit instructus D. Arthurus, aut ea sit dexteritate, vt deprehenso errore eum inuenire et castigare possit timeo ne deuias faciat ambages, tempus ilium fallat, et semiperacto negotio, a gelu praeoccupetur: Aiunt enim Sinum illum fortius quotannis congelari. Quod si contingat: hoc quod consultius mihi visum fuit, proximum illi erit refugium, vt in eo sinu, ijsque fluminibus quae dixi, portum quaerat et per Legatum aliquem, cum magno Cham nomine Serenissimae Reginae, notitiam, amicitiamque contrahat: quam opinor Maximo orbis Imperatori gratam, imo gratissimam fore propter remotissima commercia. [Sidenote: Bautisus et Oechardus maxima flumina in hunc Sinum illabuntur.] Opinor ab ostijs Bautisi et Oechardi fluminum maximorum, vsque ad Cambalu Regiam summam Chami, non vltra 300. milliaria Germanica esse, et iter sumendum per Ezinam vrbem regni Tangut, quae 100. tantum milliarijs Germanicis ab ostijs distare videtur, et paret Magno Cham.

[Sidenote: Postulata Mercatoris de quibus certior fieri cupit.] Valde optarem cognoscere, quam alte communiter exurgat aestus maris in eo Moscouiae portu quem vestri pro statione habent, et in alijs versus orientem locis vsque ad Tabin. Item, an mare in hoc districtu semper in vnam partem, videlicet Orientem, aut Occidentem fluat, an vero pro ratione aestuum fluat et refluat, in medio inquam canali, hoc est, an ibi, sex horis in occasum, et iterum sex in ortum fluat, an vero semper hi eandem partem: aliae enim speculationes non parum vtiles hinc dependent. Idem optarem a D. Frobiscero in occidentem obseruari. Quod ad sinum Merosro, et Canadam, ac Nouam Franciam attinet, ea in meis tabulis desumpta sum ex quadam Tabula marina, quae a quodam sacerdote ex earum ditionum Naucleri peritissimi Galli descriptione excerpta fuit, et illustrissimo Principi Georgio ab Austria episcopo Leodiensi oblata. Non dubito, quin quantum ad littorum situm attinet et poli eleuationem, ad veritatem ea quam proxime accedant. Habebat enim ea tabula praeter scalam graduum latitudinis per medium sui extensam, aliam praeterea praticularem Nouae Franciae littoribus adiunctam, qua deprauatae latitudines, occasione, erroris Magnetis ibi commissae, castigarentur. Iacobi Cnoyen Buscoducensis itinerarium per omnem Asiam, Affricam, et Septentrionem, olim mihi Amicus Antuerpiae ab alio mutuo acceptum communicauit, eo vsus sum, et reddidi:

Enter page number Go  Previous Next
Page 119 of 258
Words from 62312 to 62832 of 136233